स्वागत अभिवादन
आर्किटेक्चरल सेवा विभागले सरकारको स्वामित्वमा रहेको र सरकारी अनुदान प्राप्त सुविधास्थलहरूका सम्बन्धमा निम्न तीन वटा मुख्य कार्यहरू गर्दछ:

• निगरानी र सल्लाहकार सेवाहरू
• सुविधास्थाल मर्मत
• सुविधास्थल विकास

सार्वजनिक सुविधास्थलहरूको विकास र मर्मत सम्भार गर्दा हाम्रा उद्योगका साझेदारहरू, प्रयोगकर्ता विभागहरू र सबै सरोकारवालाहरूसँग निर्माण स्थलको सुरक्षा बढाउन र सार्वजनिक सुविधाहरूको गुणस्तरमा सुधार गर्नका लागि नजिकबाट काम गर्नमा विभाग प्रतिबद्ध छ। हामी एकेडेमिया, स्टार्ट-अपहरू, स्थानीय र मुख्यभूमि संस्था र कम्पनीहरूलगायत विभिन्न सरोकारवालाहरूसँगको सहकार्यलाई महत्त्व दिन्छौँ, डिजाइन, निर्माण र सञ्चालनका चरणहरूमा नवीनतम निर्माण प्रविधिका विकासहरू र तिनीहरूका प्रयोगहरू सक्रिय रूपमा अन्वेषण गर्दछौँ। हामी हङकङका लागि दिगो, थप लचिलो र मानव-केन्द्रित जीविकाको वातावरण सिर्जना गर्न नवीन निर्माणका प्रविधिहरू, समावेशी र वातावरणमैत्री भवनका डिजाइनहरू अपनाउनमा प्रतिबद्ध छौँ। निर्माण उद्योगका सरोकारवालाहरूसँग मिलेर हरेक विकासको अवसरको फाइदा उठाउँदै हामी सहकार्य र अनुभवको साझेदारीमार्फत सार्वजनिक आनन्दका लागि राम्रो जीविकाको वातावरण निर्माण गर्ने प्रयास गर्छौँ। निगरानी र सल्लाहकार सेवाहरूमा हामी सरकारी र अर्ध-सरकारी संस्थाहरूलाई अनुदान र जिम्मा दिइएका परियोजनाहरूका लागि सहजीकरण गर्न र व्यावसायिक र प्राविधिक सल्लाह प्रदान गर्न जारी राख्ने छौँ।

मुख्य व्यवसाय
आर्किटेक्चरल सेवा विभागको मुख्य व्यवसाय निम्नानुसार छ:

निगरानी र सल्लाहकार सेवाहरू
हाम्रो उद्देश्य सरकारी र अर्ध-सरकारी संस्थाहरूलाई प्रभावकारी व्यावसायिक र प्राविधिक सल्लाह प्रदान गर्ने र अनुदान र जिम्मा दिइएका परियोजनाहरूको निरीक्षण र सहजीकरण गर्नु हो। विभागले व्यावसायिक र प्राविधिक सल्लाह प्रदान गर्दछ। यसमा निम्न कुरा समावेश हुन्छन्:

1. निर्माण, इन्जिनियरिङ र ल्यान्डस्केप सेवाहरूका साथै योजना र विकाससम्बन्धी मुद्दाहरूमा सल्लाह दिने;
2. भवन निर्माणको लागत, अभ्यास र मापदण्डका साथै सरकारी जग्गामा सरकारी भवन निर्माणका लागि वैधानिक अनुपालनसम्बन्धी विषयमा सरकारलाई सल्लाह दिने;
3. निर्मित सम्पदा संरक्षणसम्बन्धी मामिलामा सल्लाह दिने; र
4. हरित भवन डिजाइनसम्बन्धी मामिलामा सरकारलाई सल्लाह दिने।

विभागको सबभेन्टेड प्रोजेक्ट डिभिजनले सरकारको अनुदान र जिम्मा पाएका परियोजनाहरूले सरकारी आवश्यकताहरू पालना गर्दछन् भन्ने कुरा सहजीकरण र सुनिश्चित गर्नका लागि जिम्मेवार छ। कार्यमा निम्न कुराहरू समावेश हुन्छन्:

1. बजेट, डिजाइन, टेन्डर कागजात, टेन्डर सिफारिस र अन्तिम खाताहरू जाँच गर्ने; र
2. डिजाइनका मापदण्ड र टेन्डरका आवश्यकताहरूको अनुपालनमा सहजीकरन गर्ने।

उपरोक्त काम सबभेन्सन र जिम्माका सम्बन्धित सिद्धान्तहरूका अनुसार गरिन्छ।

सुविधास्थाल मर्मत
हाम्रो उद्देश्य भवन र सुविधास्थलहरूको मर्मत र नवीकरणका लागि दक्ष र किफायती पेशाकर्मी र परियोजना व्यवस्थापनका सेवाहरू प्रदान गर्नु हो। विभागको सम्पत्ति सेवा शाखा सुविधास्थलहरू मर्मत गर्नका लागि जिम्मेवार छ। कार्यमा निम्न कुराहरू समावेश हुन्छन्:

1. सबै सरकारी भवन र सुविधास्थलहरूको मर्मतसम्भार गर्ने; र
2. 2. शाखाद्वारा राखिएका सबै सम्पत्तिहरूको नवीकरण, फिटिङ-आउट, परिवर्तन, थप तथा सुधार र आपतकालीन मर्मतसम्भार गर्ने।

सुविधास्थल विकास
हाम्रो उद्देश्य भवन र सम्बन्धित सुविधास्थलहरूको डिजाइन र निर्माणका लागि दक्ष, किफायती र समयमै आर्किटेक्चरल र सम्बन्धित पेशाकर्मी र परियोजना व्यवस्थापन सेवाहरू प्रदान गर्नु हो।
विभागको परियोजना व्यवस्थापन शाखा, आर्किटेक्चरल शाखा, भवन सेवा शाखा, संरचनात्मक इन्जिनियरिङ शाखा, परिमाण सर्वेक्षण शाखा र सम्पत्ति सेवा शाखा नयाँ सुविधास्थलहरूको विकास गर्नमा जिम्मेवार छन्। कार्यमा निम्न कुराहरू समावेश हुन्छन्:

1. प्रयोगकर्ता विभागहरूलाई उनीहरूका आवश्यकताहरू विकास गर्न मद्दत गर्ने;
2. प्रयोगकर्ताका आवश्यकताहरू र सरकारका आवश्यकताहरू पूरा गर्न सुविधास्थलहरूको डिजाइन गर्ने; र
3. सुविधास्थलहरू मापदण्डअनुसार विकास भएको सुनिश्चित गर्न परामर्शदाता र ठेकेदार नियुक्त गर्ने र तिनीहरूको कामको निगरानी गर्ने।